جۆري بابه‌ت:
گۆڤاری pediatrics تایبەت بە پزیشکی منداڵان، دەرەنجامی توێژینەوەیەکی بەرفراوان لە ئیکوادۆر ئاشکرادەکات و هێلکە بە ئاسانترین و کاریگەرترین هۆکاری گەشەی منداڵ دادەنێت لە ماوەی دوو ساڵی یەکەمی تەمەندا.
لۆڕا لۆناتی پزیشک و توێژەر، لەگەڵ هاوکارانی ناوچە دوورەدەستەکانی ئیکوادۆریان کردە ئامانجی توێژینەوەکەیان، لۆڕا ئەو منداڵانەی هەڵبژارد کە تەمەنیان لەنێوان ٦ بۆ ٩ مانگیدایە و رۆژانە هێلکەیەکی پێدەدان، بەراوردی کردن لەگەڵ هەمان ژمارەی منداڵ کە ئەو بڕە هێلکەیان نەدەخوارد.
دوای 6 مانگ لە توێژینەوەکە، دەرەنجامەکان دەریانخست رێژەی کورتهێنانی باڵا لەلای ئەوانەی رۆژانە هێلکەیان خواردووە بە رێژەی %47 کەمتر بووە لەوانەی هەمان بڕی هێلکەیان نەخواردووە.
لۆڕا لۆناتی داوا لە ئیکوادۆرییەکان دەکات دەرەنجامی توێژینەوەکەی بە هەند وەربگرن تاکو منداڵەکان باڵایان بەرزتر و رێکتر دەربچێت.
پرۆفیسۆر ماری فیوترێڵ پسپۆڕی خۆراکی تەندروست لە ئیکوادۆر دەڵێت ئەوەی جێگەی سەرسوڕمانە ئەوەیە تاکو ئێستا هێلکە لە کەم توێژینەوەی پزیشکیدا هێندە کاریگەر دەرکەوتووە، بەتایبەت کە لە هەندێک کولتوردا ترسێکی زۆر لە هێلکە هەیە بەهۆی ئەوەی بەشێک لە منداڵان هەستیارییان پێی هەیە.
رێکخراوی تەندروستی جیهانی بوونی پرۆتین لە خۆراکی منداڵان دوای ٦ مانگی بە پێویست دەزانێت، هێلکەش دەوڵەمەندە بە پرۆتین و کاریگەری باشی بەسەر گەشەوە دەبێت.
بەپێی داتاکانی هەمان رێکخراو 155 ملیۆن منداڵ لە سەرتاسەری جیهان باڵایان لە خوار رێژەی ئاساییە و کورتن.گۆڤاری pediatrics تایبەت بە پزیشکی منداڵان دەرەنجامی توێژینەوەیەکی بەرفراوان لە ئیکوادۆر ئاشکرادەکات و هێلکە بە ئاسانترین و کاریگەرترین هۆکاری گەشەی منداڵ دادەنێت لە ماوەی دوو ساڵی یەکەمی تەمەندا
وه‌رگیراوه
داناني بابه‌ت له‌لايه‌ن
No comments:
Post a Comment