تۆڕە کۆمەڵایەتییەکانی فەیسبووک و ئینستاگرام لەکارکەوتن

 چەند خولەکێک لەمەوبەر تۆڕە کۆمەڵایەتییەکانی فەیسبووک و ئینستاگرام لە زۆربەی وڵاتانی جیهان کارکەوتن و بەکارهێنەران ناتوانن هەژمارەکانیان بەکاربهێنن.

ئەمڕۆ لە رێککەوتی 5ـی ئاداری 2024 هەردوو تۆڕە کۆمەلایەتییەکانی فەیسبووک و ئینستاگرام  کە سەر بەکۆمپانیای مێتایە لەکارکەوتن، بەکارهێنەران کتوپڕ لە هەژمارەکانیان دەرکران و ناتوانن هەژمارەکانیان بەکاربهێنن.

ماڵپەری دەیلی مەیل رایگەیاند هیچ هێرشێک نەکراوەتە سەر هیچ هەژمارێک تەنیا کێشە لە سێرڤەرەکان هەیە بەڵام تاوەکو ئێستا هیچ راگەیەندراوێک لەبارەی ئەو کێشەیە لەلایەن کۆمپانیای مێتاوە بڵاونەکراوەتەوە

بەپێی ماڵپەڕی DownDetecter نزیکەی 360 هەزار ریپۆرت لەسەر وەستانی تۆڕی کۆمەڵایەتی فەیسبووک دراوە.

بەپێی ئامارەکانی ساڵی 2024 پلاتفۆڕمی فەیسبووک 3.05 ملیار بەکارهێنەری چالاکی لە مانگێکدا و 2.09 ملیار بەکارهێنەری چالاکیش لە رۆژانە هەیە

بەپێی سه‌نته‌ری میدیای دیجتاڵی لە ساڵی 2023 رێژه‌ی به‌كارهێنه‌رانی تۆڕه ‌كۆمه‌ڵایه‌تییه‌كان له‌ عێراق گه‌یشتووەته‌ 25.53 ملیۆن به‌كارهێنه‌ر.

فه‌یسبووك، 17.95 ملیۆن به‌كارهێنه‌ری چالاكی له ‌عێراق هه‌یه‌، به‌راورد به ‌ساڵی 2022 900 هه‌زار به‌كارهێنه‌ر كه‌می كردووه‌.

کۆمپانیای مێتا پێشووتر وەک کۆمپانیای فەیسبووک دەناسرا لە 28ـی تشرینی یەکەمی 2021ـەوە لەلاین مارک زۆکەربێرگی خاوەنییەوە گۆردرا و ئێستا یەکێکە لە کۆمپانیا زەبەلاحەکانی ئەمەریکا و جیهان لە پلاتفۆڕمەکانی فەیسبووک، ئینستاگرام، ماسنجەر، واتس ئەپ و سرێدز پێکهاتووە.
هاوکات کۆمپانیای مێتا لەگەڵ کۆمپانیاکانی ئەمازۆن، ئەلفەبێت، ئەپڵ و مایکرۆسۆف لە ریزی کۆمپانیا گەورەکانە کە زۆرترین قازانجەکانی لە رێگەی ریکلامەوە بەدەست دەهێنێت.

-ماسنجه‌ری، 15.10 ملیۆن به‌كارهێنه‌ری چالاكی هه‌یه‌، به‌راورد به‌ساڵی 2022، ملیۆنێك و 100 هه‌زار به‌كارهێنه‌ری له‌ده‌ستداوه‌.

-ئینستاگرام، 14 ملیۆن به‌كارهێنه‌ری چالاكی هه‌یه‌، به‌ به‌راورد به ‌ساڵی 2022 ملیۆنێك و نیو به‌كارهێنه‌ری له‌ده‌ست داوه‌.

خوێندنه‌وه‌ي زياتر

سوودەکانی پێکەنین بۆ تەندروستی جەستە

پێکەنین جگە لەوەی کاریگەرییەکی ئەرێنی زۆری لەسەر پەیوەندی نێوان تاکەکان هەیە، سوودێکی تەندروستی زۆری هەیە و ڕێگری توشبوون بە نەخۆشییەکان دەکات.

بەپێی ماڵپەڕی”newsbytesapp” پێکەنین ئەم سوودانە بە تەندروستی جەستە دەبەخشێت:

-بەپێی توێژینەوەکان پێکەنین لەوانەیە هۆکارێک بێت بۆ تەمەن درێژی، کاتێک لەژیاندا بەئەرێنی بیربکەیتەوە و دڵخۆشبیت کێشە تەندروستییەکان کەمتر دەبنەوە کە هۆکارن بۆ تەمەن کورتی.

-بەباشترین ڕێگا بۆ ڕزگاربوون بە قەلەقی و دڵەڕاوکێ دادەنرێت، لەگەڵ ئەوەشدا ڕێگردەبێت کە هەست بە ماندوێتی بکەیت.

-بەشێوەیەکی گشتی سوودی بۆ هەموو تەندروستی هەیە بەتایبەتی بەهێزبوونی بەرگری جەستە.

-بەرزبوونەوەی پەستانی خوێن هۆکارێکە بۆ توشبوون بە نەخۆشییەکانی دڵ و خوێنبەرەکان، پێکەنین باشترین ڕێگایە بۆ دابەزینی پەستانی خوێن بەوشێوەیە پارێزگاری لە تەندروستی دڵ دەکات.

-وەک چارەسەرێکی سروشتی بۆ کەمبوونەوەی ئازارەکانی جەستە دادەنرێت، بەپێی چەندین توێژینەوە پێکەنین کاردەکاتە سەر مێشک و یارمەتیدەرە لە دەردانی ئەندرۆڤین و سیرۆتۆنین کە وەک هێورکەرەوەیەکی سروشتی بۆ ئازارەکان کاردەکەن.

-سوودێکی زۆری بۆ تەندروستی مێشک هەیە.

خوێندنه‌وه‌ي زياتر

پەڵپێنە یان پەرپێنە شێرپەنجە بەیەكجاری لەناو دەبات

 

پەڵپینە یەكێكە لەو رووەكانەی كە لە كوردستان خەڵكی زۆرجار بەكاری دەهێنن و ئێستە لە توێژینەوەیەكی پزیشكیدا دەركەوتووە كە ئەو رووەكە، بەیەكجاری شێرپەنجە لەناو دەبات و كۆلیسترۆڵی نێو خوێنیش بە كەمترین كات دەتوێنێتەوە.

لە نوێترین توێژینەوەیەكی شارەزایاندا دەركەوتووە، ئەو رووەكە كە زیاتر لە ناوچەكانی رۆژهەڵاتی ناوەڕاست لە وەرزی هاویندا دەڕوێ، توانایەكی زۆر بەهێزی هەیە بۆ پاككردنەوەی بۆڕییەكانی خوێن و رێگری لە تووشبوون بە نەخۆشییەكانی دڵ و لەناوبردنی شێرپەنجە.

سەرچاوە مێژوویییەكان ئاماژە بەوە دەكەن، ئەو جۆرە رووەكە لە سەردەمانی زوو و لای چینییەكان گرنگییەكی تایبەتی هەبووە و بۆ داودەرمانی پزیشكی سوودی زۆری لێ وەرگیراوە.

پزیشكان دەڵێن، پەڵپینە دەبێتە هۆی كەمكردنەوەی چەوری لە خوێن و كۆلیستڕۆڵ رێك دەخات و چەوری سیانید بە رێژەیەكی زۆر كەم دەكاتەوە. كاریگەریی زۆر بەهێزی هەیە لەسەر تواندنەوەی چەوری و سوودبەخشە بۆ دابەزاندنی كێشی جەستەی مرۆڤ.

پەڵپینە دەوڵەمەندە بە ترشەكان و ڤیتامینات و فلافۆدینات كە دەبێتە هۆی لەناوبردنی خانە ژەهراوییەكان و تێكچووەكانی جەستە.

ئەو رووەكە بەشێوەیەكی سیحری ئەم سوودە گەورانە بە جەستەی مرۆڤ دەگەیەنێت.

یەكەم: رێگر دەبێ لە دروستبوونی هەوكرد لە كۆئەندامی هەرس و دروستبوونی برین.

دووەم: كرمی نێو جەستە دەخاتە دەرەوە.

سێیەم: دیوارەكانی گەدە چالاك دەكاتەوە و دەبێتە هۆی تووشبوون بە سكچوونێكی بچووك.

چوارەم: خوێنبەربوون دەوەستێنێت.

پێنجەم: سەرئێشە و ئازاری چاو لەناو دەبات.

خوێندنه‌وه‌ي زياتر

بۆچی خیانەت و تەلاق زۆربووە؟

 

بەداخەوە ئەگەرتەماشایەکی ئامارەکانی بارودخی وباری کۆمەڵایەتی کۆمەڵگابکەین دەبینین ڕۆژ بەڕۆژ تەلاق 

وجیابوونەوە لە زیاد بوون ولەهەڵکشاندیە وهاوسەرگیریش کەم دەکات لە کۆمەڵگای  کوردەواریدا.

جاران ژیان زۆرلە ئێستا سادەتر وبێ کێشەتر بوو لەهەمان کاتدا کێشەی  خێزانەکان وریژەی تەلاق زۆر لەئێستا  کەمتربوو بەداخەوە هۆکارەکان زۆرن لەوانەش:-،

۱ -بەکارهێنانی مۆبایل وئەنترنێت وسۆسیامیدیا بەبێ سەروبەری وخۆنەپاراستنی لەحەرامەکانی

 ۲ - تێکەڵ وپێکەڵبوونی هەردوو ڕەگەزلە ناودام ودەزگا وبۆنەکان هۆکارن بۆ فەسادو بەدڕەوشتی.

۳ - نەمانی ڕێزوخۆشەویستی لەناو هەندێک لە خێزانەکاندا.

٤ - چاولێکەری کۆێرانەی ئەوڕوپا وکافران.

٥ - هەژاری وقات وقڕڕی ونەدانی مووچە.

٦ ــ  قوڕس کردن وگرانکردنی پڕۆسەی هاوسەرگیری وکرێچیاتی.

۷-- کۆچکردنی گەنجان بۆهەندەران ومانەوەی ڕێژەی زۆری کجان وپەروەردکردنی خراپ ودوور لەدین.

۸ - نەبوونی ونەمانی متمانەی گەنجان بۆ هاوسەرگیری.

۹ - ئاسای وئاسان بوونی تەڵاق ولێک جیابوونەوە

۱۰- شەوچەرەو شەو نەنوستن و مانەوە بەتەنهای ولەسەر فیسبوک وئەوانی دی.

ئێوەش دەتوانن لەکۆمێنت خاڵی زیاتر بنوسن....

لەگەڵ رێزم بۆ هەمووخێزانە پاک و گەنجە باشەکان،

 مخابن لەبەر ئەوهۆکارانە زۆر جار لە هەردوو رەگەز تووشی خیانەت وهەڵخەتان  لەوانەش ڕەنگە خێزانداریشیان تێدابێ بەهۆی سناپ و چات و قسەی لوس  خۆنمایش کردن بۆ یەکتر لەشەونیوەشەواندا .

بەداخەوە دەبێ ئەو جۆرەکەسە بزانێ کە وەفای بۆ هاوبەشی خۆی وسمعەی خێزانی   نەبێت واتە هاوسەرو ماڵ و مناڵ قوربانی نەفس و ئارزوەکانی دەکات،

 قەت،وەفای بۆ خۆی وکەسانی دیش نابێت ئەم جۆرانە زۆر سوک بن ئالۆزن، چونکە بەدەستی خۆیان  دەکەنە دیلی  نەفس و ئارازوەکانیان وهەمیشە چاولەدەرن و هەرکاتێک کە بۆی برەخسێت ئامادەیە هەموو شتێک بکاتە قوربانی نەفس ئارزوەکانی واتە کۆیلەی ئارەزوواتی خۆیەتی ودامێن پیس وسەرگەردانی هەردووجیهانە  ......

.دەزانن؟ ئافرەت هەبووە بەپیاوی خێزانداری گوتوە حەزدەکەم لەگەڵم بیت هەتا مێردەکەم بمرێ شووت پێبکەم!!!!😫😫.هتد

خاوەنی   ئەوجۆرە ناپاکیە هەمیشەلەدڵەڕاوکێدایە وچاوەڕوانی هەموو مەترسیەک دەکات و ڕۆژێکی هەردێت  لێی ئاشکرا دەبێت و سەدان تراژیدیای لەوجۆرانەمان بینیوە بیستوە.

    چارەسەریش تەنها هەرئەوەیە ئەوجۆرەکەسانە بەزووترین کات واز بهێنن وتۆبە بکەن وبگەڕێنەوەلای خواهەتا ئاشکرانەبوونە ، هەروەهاگەنجان زوو هاوسەرگیری بکەن خۆیان نەهێلنەوە بەڕەبەنی چونکە تەنهای هەربۆ خوا باشە..

پێغەمبەر د،خ دەفەرمووێ

ئەگەر خواغەزەب لەکەسیک بگرێ بە ئارەزووەکانی سەرقاڵی دەکات پەنابەخوا.

خوێندنه‌وه‌ي زياتر

به‌چی پێستی كۆرییه‌كان وا ناسك ده‌بێت؟

کۆرییەکان کات و پارەیەکی زۆر خەرج دەکەن لە پێناو بایەخدان بە پێستیان، خەڵک لە سەرتاسەری جیهاندا ئیرەیی بە کۆرییەکان دەبات بەهۆی جوانی پێستیانەوە.

کاتێک ئەکتەری کۆری جۆن هون یونج ڕۆڵی لە فیلمێکدا گێڕا کە باسی نهێنییەکانی جوانی پێستیانی دەکرد ئەم فیلمە کرا بە کتێب و ئەو کتێبە یەکێک بوو لە کتێبە هەرە پڕ فرۆشراوەکان له‌ جیهاندا بۆ ساڵی 2011، كه‌ لە دوای دەرچوونی بە دوو ڕۆژ چاپی یه‌كه‌می نه‌ما له‌ناو بازاردا.

لێره‌دا چه‌ند نهێنییه‌كی جوانییه‌ سروشتییه‌كه‌ی خانمان له‌ كۆریا باس ده‌كه‌ین:

شێداری: کۆرییەکان بڕوایان وایە خواردنەوەی بڕێکی زۆر لە شلەمەنییەکان پێست بە گەشاوەیی دەهێڵێتەوە. ئەوان سەرەتای ڕۆژەکەیان بە خواردنەوەی پەرداخێک ئاو دەست پێ دەکه‌ن و بەیانیان دەموچاویان بە ئاوی سارد دەشۆن بۆ چەند خولەکێک. میوەو سەوزە بە پێکهاتە سەرەکییەکانی خواردنی ڕۆژانەیان دادەنرێت و خواردنەکانیان بڕێكی زۆری له‌ سۆدیۆم تێدایه‌، کە پێست شێدار دەردەخات.

پاککردنەوە بە ڕێک و پێکی بۆ تەڕکردنەوەی پێست: رێگایەکی بێهاوتایان هەیە لە بەکارهێنانی بەرهەمەکانیان بۆ بایەخ دان بە پێستیان، پێیان وایە باشترین ئەنجامی دەبێت. ئەکتەرە کۆرییەکە ئامۆژگاریمان دەکات لە کاتی پاککردنەوەی پێست ڕۆنی گوێزی هیندی و بادەم یان هەر ڕۆنێکی تری پەککەرەوە بە کاربهێنین، وازی لێبهێنین لەسەر پێستەکە بۆ ماوەی چوار خوولەک، پاشان دەموچاومان بشۆین بە ئاوێکی شلەتێن ئینجا ئاوی سارد بۆ داخستنەوەی کونەکانی پێست. کۆرییەکان وای بەباش دەزانن لە کاتی بەکارهێنانی ماددەکان بۆ پێست بە سەری پەنجە بڵاوی بکەینەوە چونکە بەو شێوەیە زیاتر پێستەکە ئەو ماددانە هەڵدەمژێت. لە کاتی بەکارهێنانی کرێمەکانی جوانکاری هەردوو دەستت لەیەک بخشێنە بۆ ئەوەی پلەی گەرمییەکەی بەرز بێتەوە پاشان کرێمەکە لە پێستت بدە.

ماسکی دەموچاو: کۆرییەکان وا ناسراون کە پێکهاتەیەکی زۆریان هەیە وەک ماسک بەکاری دەهێنن لە باپیرانیانەوە بۆیان ماوەتەوە. ئامۆژگاریمان دەکەن بە بەکارهێنانی ماسکی پاککەرەوە و ماسکێک کە خۆراکی پێست دە بەخشێت لە یەک کاتتداو یەک جار بەکاری بهێنین. بەکارهێنانی ماسکی دروست کراو لە دەرمانی کرمی ئاوریشم، یارمەتیت دەدات بۆ سپی کردنەوەی پێست. هەروەها بەکارهێنانی ماسکەکانی تری ماڵەوە وەک ماسکی سپێنەی هێلکە و ماسکی هەنگوین.

خەوتن بۆ گەیشتن بە جوانی: ئەکتەرە کۆرییەکە ئامۆژگاریمان دەکات کە لە 6-8 سەعات کەمتر نەخەوین کە ئەمە شتێکی گرنگە بۆ تەندروستی پێستمان.

بەرهەمەکانی بایەخدان بە پێست: مارکە بازرگانییەکانی ئاسیا ناوبانگێکی زۆریان بەدەست هێنا لە سەر پێوەری جیهانی، ئەمەش لەبەر ئەنجامە باشەکانی هەیەتی. کۆرییەکان لە ڕۆژێکدا 10-20 پێکهاتە بەکاردەهێنن بۆ بایەخدان بە پێستیان.

تەمرین پێکردن بە دەموچاو: چەند تەمرینێکی دەموچاو هەیە لای کۆرییەکان بۆ نمونه‌ ساف کردنی دە موچاوو نەرم کردنی ماسولکەکانی ڕوومەت له‌ ڕێگه‌ی شێلانه‌وه‌.

بەکارهێنانی ماكیاژ بەشێوەیەکی لێزانانە: کۆرییەکان پشت دەبەستن بە بەکارهێنانی ماكیاژ بە شێوەیەکی سادە، به‌م جۆره‌:

- چاو ڕەش کردن بە سادەیی بە قەڵەمێک.

- بەکارهێنانی مەسکارا و قەڵەم بۆ برۆ بۆ ڕێک خستنی شێوەی برۆ.

- بەکارهێنانی سەر ڕوومەتی پەمەیی. -بەکارهێنانی ڕەنگی سروشتی بۆ لێو.

ئەوەشت بیر نەچێ کە کۆرییەکان ماكیاژ بە شێوەیەکی سادە دەکەن ئەمەش شتێکی گرنگە بۆ گرنگی و بایەخدان بە پێست.

خوێندنه‌وه‌ي زياتر

هۆکاری دژایەتی کردنی کوردستانی گەورە

جوگرافیایی کوردستانی گەورە  

کوردستانی گەورە  پێک هاتوە لە 40 پارێـزگا 

1ـــ باکوری کوردستان تورکیا 20 ملیۆن کورد

¹   ئامەد 

²   وان 

³   موش 

⁴   بەدلیس

⁵   جۆلەمیرگ

⁶   کنکان  

⁷   ئاگری

⁸   ئەرزرۆم

⁹   ئەزرنگان

¹⁰  مەلەدی

¹¹  چەولیگ

¹²  دیلۆک

¹³  دەرسیم 

¹⁴  سێواس

¹⁵  خارپێت

¹⁶  ئیدر 

¹⁷  سەمسوور

¹⁸   سێرت

¹⁹  مێردین 

²⁰  رحا ـ رووها

²¹  کلیس

²²  ئەردێخان

²³  ئێلهـ

²⁴  مەرەش

²⁵  شرنەخ

²⁶  قەرس

نیوەی خەتای "هاتای" و بەشێکی ئارتڤین و گوموشخانە و بایبورت

ــــــــــــــــــــــــــــــــــــــــــــــــــــــــــــــــــــــــ

2 ــ باشـوری کوردستان عێـراق 8 ملیۆن کەس

¹   هەولێـر 

²  سلێـمانی 

³   دهـۆک 

⁴  کەرکوک 

⁵  هەڵەبجە 

نیوەی موسڵ و بەشێکی دیالە و سەڵاحەددین و واست

ـــــــــــــــــــــــــــــــــــــــــــــــــــــــــــــــــــــــــ

3 ــ رۆژئاوای کوردستان سوریا 3 ملیۆن کەس 

¹ حـەسیچە 

نیوەی ڕەقە و بەشێکی حەلەب و ئیدلب و لازقیە 

ــــــــــــــــــــــــــــــــــــــــــــــــــــــــــــــــــــــــــــــــــــــــــــ

4 ــ رۆژهەلاتی کوردستان ئێران 12 ملیۆن کەس

¹  ورمێ "ئورمیە"

²  سنە

³  کرماشان 

⁴  ئیلام

⁵  لۆڕستان 

⁶  هەمەدان

⁷  چوارمەحاڵ و بەختیاری

⁸  کوهگیلویە و بۆیەرەحمەد

بەشێکی ئەهواز 

ــــــــــــــــــــــــــــــــــــــــــــــــــــــــــــــــــــــــــــــ

5ـ باکووری ڕۆژهەڵاتی کوردستان "کوردستانی سوور"

ژمارەی دانیشتووان سەروو ‌50.000 هەزار

پایتەخت لاچین

____________________________________

کۆی دانیشتوانی کورد سەروی 50 ملیۆن کەسە لە هەر پێنج پارچەی کوردستان لە دەرەوە

ـــــــــــــــــــــــــــــــــــــــــــــــــــــــــــــــــــــــــ

پایتەخـتەکەی  ( ئامەدە) 

ـــــــــــــــــــــــــــــــــــــــــــــــــــــــــــــــــــــــ

گەورەترین شاری ئورمیـەیە لە رۆژهەلاتی کوردستان

ــــــــــــــــــــــــــــــــــــــــــــــــــــــــــــــــــــــــــــــــ

بچوک ترین شاری کلیسە لە باکوری کوردستان

ـــــــــــــــــــــــــــــــــــــــــــــــــــــــــــــــــــــــــــــــــــ

کوردستان دابەش کراوە بەسەر پێنج یان شەش وڵاتــدا ئیراق ئێـران سوریا تورکیا ئەرمینیا و ئازەربایجان کە بەشی  زۆری بەسەر وڵاتی تورکیا کەوتوە 

ـــــــــــــــــــــــــــــــــــــــــــــــــــــــــــــــــــــــــــــ

زارەوەکان لەهجە جۆری قسەکرد 

¹ کرمانجی           

² سۆرانی 

³ زازاکی 

⁴ لۆری 

⁵ هەورامانی

⁶ لەکی

⁷ کەڵهوڕی

ـــــــــــــــــــــــــــــــــــــــــــــــــــــــــــــــــــــ

زاراوەی کرمانجی . بەشی زۆریان لە باکووری کوردستان و لە ڕۆژاوای کوردستانن

ـــــــــــــــــــــــــــــــــــــــــــــــــــــــــــــــــــ

زارەوەی زازاکی. لە باکوری کوردستانن بەگشتی

ـــــــــــــــــــــــــــــــــــــــــــــــــــــــــــــ

زارەوەی سۆرانی . لە باشوری کوردستانن وە لە رۆژهەلاتی کوردستانن 

ـــــــــــــــــــــــــــــــــــــــــــــــــــــــــــــــ

زاروەی لۆری . لە رۆژهەڵاتی کوردستانن 

ـــــــــــــــــــــــــــــــــــــــــــــــــــــــــــــــــــــــــــــ

پێکهاتەکانی کوردستـانی گـەورە پێکهاتووە لە 

1ــ ڪورد 

2ــ ئـەرمەنی  

زۆریـنەی خەلکی کوردستانی گەورە ڪوردن واتا %95 

ـــــــــــــــــــــــــــــــــــــــــــــــــــــــ

گەورەترین  دەریاچە وانە لە باکوری کوردستان تورکیا دوەم گەورەترین دەریاچە ئورمیە لە ڕۆژهەلاتی کوردستان ئێران

"گەر دەریاچەی ورمێ بە کوردستان هەژمار بکرێت ئەوا ئەو گەورەترین دەریاچەیە"

ــــــــــــــــــــــــــــــــــــــــــــــــ

بەرزترین چیا چیای ئاگری کە بەرزیەکەی 5.321 مـەتر بەرزە لە باکوری کوردستان کە دەکەوێتە نێوان کوردستان ئەرمینیا 

ــــــــــــــــــــــــــــــــــــــــــــــــــــــــــــــ

کوردستانی گەورە دراوسێـە لەگەل 6    وڵات

1ــ تـورکیا 

2ـــ ئێران

3ـــ ئەرمینیا 

4ـــ ئێراق 

5ـــــ سوریا 

6ـــ ئازرباینجان 

ـــــــــــــــــــــــــــــــــــــــــــــــــــــــــــ

ڪوردستانی ئەکەوێـتە سەر کەنداو و سەر دەریای ناوەڕاست و نزیکیشە لە دەریای ڕەش

ــــــــــــــــــــــــــــــــــــــــــــ

ڪـوردستان خاوەنی نەوتە واتا رۆژانە کۆی گشتی 3 میلۆن بەرمیل نەوتەکەشی لە ڕۆژاوای کوردستان و باشوری کوردستانە 

وە کوردستان شوێنکی گەشتیارییە لە جیهاندا کە چەندین شاری و شوێنی دڵڕفێنی هەیە 

ـــــــــــــــــــــــــــــــــــــــــــــــــــــــــــــ

لە هەر 140 کەس لە جیهاندا کەسێکیان کوردە 

ـــــــــــــــــــــــــــــــــــــــــــــــــــــــــــــ

کوردستانی گەورە  لە زیاتر لە ‌‌130 وڵات گەورەترە 

بۆ نمونە لە بەریتانیا گەورەترە هتد ...... 

ـــــــــــــــــــــــــــــــــــــــــــــــــــــــــــــــ

خوێندنه‌وه‌ي زياتر

لەپێناو سەرکەوتن واز لەم سێ رەفتارە بهێنە

 بەڕێوەبردنی کارەکانت و بەدیهێنانی ئامانجەکانت لەڕووی پیشەییەوە و ژیانی تایبەتی خۆتەوە، پێویستی بە ڕێکخستن هەیە و نابێت هەڕەمەکی هەنگاو بنێیت، چونکە هەمیشە چاوەڕووانی گۆڕانکاری و پیلانی نوێ بە کە رەنگە شکست پێ بهێنێت، هەمووان خەونێکیان هەیە کەدەیانەوێت بیهێنەدی و بەپەرۆشەوە هەوڵی بۆ دەدەن.

بێگومان هیچ خەون و ئامانجێک بەبێ ماندووبوون نایەتەدی، دەبێت هەوڵی بۆ بدرێت و پیلانی بۆ دابنرێت، بەڵام بۆ ئەوەی لە کۆتایدا سەرکەتوو بیت، دەبێت بە وریایەوە مامەڵە بکەیت و بەتەواوی سێ یاسا پەیڕەو بکەیت و واز لە سێ رەفتار بهێنیت.

1-کات باشترین چەکی دەستی تۆیە بۆ ئەوەی سەرکەوتوو بیت، پێویستە رۆژانە کاتی هەموو شتێک جیابکەیتەوە و پیلانت هەبێت، ناکرێت ڕۆژێک بەردەوام کار بکەیت پێویستە هەموو کارێک لە ژیان کاتێکی بۆ دیاری بکەیت و کاتەکانت دابەش بکەیت.

2-پێش هەر هەنگاوێک هەوڵبدە ئامانجی سەرەکیت دیاری بکە، نابێت هەنگاوی بنێیت لەپێناو شتێک کە نازانیت ئەنجامی چییە و هەرەمەکی کاری بۆ بکەیت، هەمیشە دڵنیابەرەوە پاشان هەنگاو بنێ.

3-ترس رەنگە هێز بێت یان سزا لەبەردەم سەرکەوتنەکانتدا، هەربۆیە هەمیشە هەوڵبدە بوێرانە هەنگاو بنێ، کاتێک ترس بەرامبەر کارێک هەیە، دڵنیابەرەوە و لێکۆڵینەوەی بۆ بکە، تا پێش ئەوەی هەنگاو بنێیت ئەو ترسە بڕەوێنیتەوە و بەهێزەوە ئامانجەکەت بەدیبهێنیت، بەڵام دوورکەوەرەوە لە زۆر بیرکردنەوە لە داهاتوو، بەجۆرێک ئێستات تێکبدات

نووسینی بابەت:میعاد گۆران

خوێندنه‌وه‌ي زياتر

چـۆنیەتی خۆ ئامادەکردن بۆ تاقیکردنەوەکان

لەئێستادا بەشێک لە قوتابی و خوێندکاران لە هەوڵدان بۆ سەرکەوتن لە تاقیکردنەوەکاندا و دەیانەوێت نمرەی بەرز بەدەستبهێنن، لێرەدا چەند خاڵێک خراوەتەڕوو کە جێبەجێکردنیان یارمەتی خوێندکاران دەدات لەوەی بتوانن بەباشی وانەکانیان کۆنترۆڵ بکەن.

پێش دەستپێکردنی خوێندنی وانەکان بە وردی چاو بخشێنەرەوە، بەو بابەتانەدا کە خوێندووتن و هەوڵبدە بزانە لەو بابەتەدا چیت خوێندووە؟ بۆ ئەوەی مێشکت ئامادەبێت بۆ وەرگرتنی زانیارییەکان و دواتر دەستبکەیت بە خوێندن و شیکارکردنی بابەتەکان، چونکە لەو کاتەدا باشتر دەتوانیت وانەکان بخوێنیت.

لەکاتی تاقیکردنەوەدا بە وردی گوێ لە ڕوونکردنەوەکان بگرە و زانیارییەکانی پرسیارەکە بە وردی بخوێنەرەوە، بۆئەوەی ئاگاداربیت لە وردەکاری پرسیارەکە و نەکەویتە هەڵەوە.

لەکاتی خوێندنی وانەکانتدا، ئەوانەی بەباشی لێی تێنەگەیشتوویت لە دەفتەرێکدا بیاننووسەرەوە و پێش تاقیکردنەوە پرسیار لە کەسانی شارەزا و هاوڕێکانت بکە بۆئەوەی وەڵامی دروستی پرسیارەکان بزانیت.

هەوڵبدە لەکاتی ماندووبووندا پشوو بدەیت و خۆت سەرقاڵ نەکەیت بە مۆبایل و ئامێرەکانەوە بۆئەوەی هەستی ماندوبوون لە جەستە و مێشکتدا کەمبێتەوە.

کات دابەش بکە بەپێی پێویستی وانەکانت، هەر بەشێک لەو وانەیەی کە دەیخوێنیت کاتی بۆ دیاری بکە، بۆئەوەی بتوانیت لە ماوەیەکی دیاریکراودا ئامادەبیت بۆ تاقیکردنەوە.

ئاگاداری دۆخی تەندروستی جەستەت بە، چونکە نەخۆشکەوتن توانات کەمدەکاتەوە و ئاستەنگ لەبەردەم خوێندنەکەتدا دروست دەکات و هەندێکجاریش دەبێتە ڕێگر لەبەردەم ئەنجامدانی تاقیکردنەوەکانتدا و توانای کۆنترۆڵکردنی بابەتەکانت نابێت.

دۆخی دەروونیت بپارێزە و تاقیکردنەوەکان هاوشێوەی ئەو تاقیکردنەوانەی پێشترن کە کردووتە، هەندێکجار بەهۆی ترس لە تاقیکردنەوەکانەوە باری دروونی خوێندکار تێکدەچێت و ئەوەش ڕێگری لێدەکات کە وانەکانی بەباشی بخوێنێت.

پارێزگاری بکە لە شێوازی خەوتن و خواردنت بۆئەوەی جەستەت زۆر ماندوو نەبێت و پێداویستییەکانی جەستەت دابین بکەیت. 

ئەگەر بتوانیت لەڕۆژی تاقیکردنەوە پەرتووک یاخود مەلزەمەی بابەتی تاقیکردنەوەکە لەگەڵ خۆت مەبە بۆ تاقیکردنەوە چونکە بەچەند دەقەیەک ڕاوەستان تاکو دەچیتە ژورەوە چەندین هاوڕێ دەبینیت و هەریەکەو دەڵێن ئەو پرسیارە دیتەوە و ئەوەیان نایەتەوە بۆیە لەوانەیە لەو کاتە لێت تێک بچێت . 

لەکاتی تاقیکردنەوەدا کاتێک کە ئەسیلەکەت بۆ دێت هەوڵدە لەپرسیارەکە بگەیت پیش وەڵامدانەوەی بزانە چی دەوێت و چیت لێ داوادەکات وەک کورد گۆتەنی ( تێگەیشتنی پرسیار نیوەی وەڵامە) .

بەهیوای سوود بینین و سەرکەوتن بۆ گشت قوتابیان ان شاءلله

نووسینەوەی بابەت: میعاد گۆران

خوێندنه‌وه‌ي زياتر

جۆرشه‌لیم پۆست: گه‌ڕانه‌وه‌ی B52 بۆ وه‌شاندنی گورزی كه‌مه‌رشكێنه‌ له‌ ئێران

شه‌وی

شه‌مووی ڕابردوو ویلایه‌ته‌ 

یه‌كگرتووه‌كانی ئه‌مه‌ریكا فڕۆكه‌كانی بی 52ی ڕه‌وانه‌ی ڕۆژهه‌ڵاتی ناوه‌ڕاست كرده‌وه‌ و كه‌ناڵی فۆكس نیوزی ئه‌مه‌ریكیش له‌وباره‌وه‌ دووپاتی كرده‌وه‌، كه‌ ئه‌مه‌ په‌یامێكی روونه‌ بۆ ئێران و پیلانه‌كانی دژ به‌ ئه‌مه‌ریكا و هێزه‌كانی له‌ ناوچه‌كه‌، له‌ ناوه‌نده‌ سیاسییه‌كانی ئه‌مه‌ریكایش دووباره‌ بڵاوه‌پێكردنی ئه‌و جۆره‌ فڕۆكه‌ ترسناكه‌ی جه‌نگ له‌ ڕۆژهه‌ڵاتی ناوه‌ڕاست خوێندنه‌وه‌ و لێكدانه‌وه‌ی زۆری بۆ ده‌كرێ و تا ئێسته‌یش هۆكاره‌كه‌ی به‌ وردی ڕوون نه‌كراوه‌ته‌وه‌.

ڕۆژنامه‌ی جۆرشه‌لیم پۆست له‌وباره‌وه‌ نووسیویه‌تی، به‌ دوور ده‌زانرێ گه‌ڕانه‌وه‌ی ئه‌و فڕۆكانه‌ پێوه‌ست بێ به‌ دۆخی ئه‌فغانستانه‌وه‌، چونكه‌ ئه‌مه‌ریكا له‌گه‌ڵ تاڵیبان له‌ گفتوگۆدایه‌ و وه‌زیری ده‌ره‌وه‌ی ئه‌مه‌ریكا له‌ كۆتایی هه‌فته‌ی ڕابردوو له‌گه‌ڵ به‌رپرسانی تاڵیبان كۆبووه‌وه‌، كه‌واته‌ بابه‌ته‌كه‌ هیچ پێوه‌ندی به‌ كشانه‌وه‌ی هێزه‌كانی ئه‌مه‌ریكا له‌ ئه‌فغانستان نییه‌، زۆرترین لێكدانه‌وه‌ و بۆچوونی نزیكیش ئه‌وه‌یه‌ كه‌ ئه‌م گه‌ڕاندنه‌وه‌ی فڕۆكه‌كان پێوه‌سته‌ به‌ ئێران و میلیشیاكانی له‌ وڵاتانی ناوچه‌كه‌، كه‌ خه‌ریكن ده‌ست به‌ جموجۆڵ و هێرش بۆ سه‌ر هێزه‌كانی ئه‌مه‌ریكا و به‌رژه‌وه‌ندییه‌كانی ویلایه‌ته‌ یه‌كگرتووه‌كانی ئه‌مه‌ریكا له‌ ناوچه‌كه‌ ده‌كه‌نه‌وه‌.

كریستۆفه‌ر سی میله‌ر وه‌زی به‌رگری ئه‌مه‌ریكا به‌ وه‌كاله‌ت ئه‌و فه‌رمانی ده‌ركرده‌وه‌ و داوای له‌ یاریده‌ده‌ری وه‌زیری ده‌ره‌وه‌ بۆ ئۆپراسیۆنه‌ تایبه‌ته‌كان كردووه‌، كه‌ فڕۆكه‌كان بگه‌ڕێننه‌وه‌ بۆ ڕۆژهه‌ڵاتی ناوه‌ڕاست، هاوكات فه‌رمانی ده‌ركرده‌وه‌ كه‌ چاودێرییه‌كان له‌ به‌رانبه‌ر ڕووسیا و چینیش ورد و چڕ بكرێنه‌وه‌.

ڕایان مه‌كارسی وه‌زیری سوپا له‌وباره‌وه‌ دووپاتی كرده‌وه‌، كه‌ ئه‌م هه‌نگاوانه‌ بۆ یه‌كخستنی هه‌وڵه‌كانی ئه‌مه‌ریكا له‌ جیهان و ناوچه‌كه‌، بۆ پشتیوانی له‌ ستراتیجی به‌رگری نیشتمانی و ئاسایشی نه‌ته‌وه‌یی، بۆیه‌ ده‌یانه‌وێ په‌یكه‌ری فه‌رمانده‌یی سوپا له‌ باكوری ئه‌فریقا و باشووری ئه‌وروپایش دووباره‌ ڕێك بخه‌نه‌وه‌.

تره‌مپ له‌ دوا ساته‌كانی سه‌رۆكایه‌تی نیازی كاری سه‌ركێشانه‌ی هه‌یه‌

له‌ ڕاستیدا ویلایه‌ته‌ یه‌كگرتووه‌كانی ئه‌مه‌ریكا به‌ فه‌رمی ئێسته‌ له‌گه‌ڵ هیچ وڵاتێك له‌ جه‌نگ نییه‌، فڕۆكه‌ی جه‌نگی زۆریشی له‌ ڕۆژهه‌ڵاتی ناوه‌ڕاست هه‌یه‌ له‌ بنكه‌ سه‌ربازییه‌كانی له‌ ئیماڕات و عومان و قه‌ته‌ڕ و ئوردن، كه‌ بۆ ئه‌و دۆخه‌ گرژه‌ی كه‌ له‌ ناوچه‌كه‌ بوونی هه‌یه‌، ئه‌و فڕۆكانه‌ ده‌توانن هه‌ر ئه‌ركێكیان پێ بسپێردرێت زۆر به‌ باشی ئه‌نجامی بده‌ن، به‌ پێچه‌وانه‌وه‌ فڕۆكه‌ی جه‌نگی بی 52 بۆ جه‌نگی فره‌وان و قوڕس جووڵه‌ی پێ ده‌كرێ، له‌ كاتێكدا ئه‌مه‌ریكایش له‌ هیچ جه‌نگێك نییه‌، بۆیه‌ پرسیار و گومانی زۆری دروست كردووه‌، باشترین خوێندنه‌وه‌ و لێكدانه‌وه‌یه‌ بریتییه‌ له‌و بۆچوونه‌ كه‌ دووپات له‌وه‌ ده‌كاته‌وه‌، ناردنی فڕۆكه‌كان بۆ ڕۆژهه‌ڵاتی ناوه‌ڕاست، بۆ پشتیوانی و دڵنیاییدانه‌ به‌ هاوپه‌یمانه‌كانی ئه‌مه‌ریكا له‌ ناوچه‌كه‌، هاوكات په‌یامێكی ڕوون و به‌هێزیشه‌ بۆ نه‌یارانی ئه‌مه‌ریكا له‌ ڕۆژهه‌ڵاتی ناوه‌ڕاست.

 به‌شێك له‌ شاره‌زایان له‌و بڕوایه‌دان، جووڵاندنه‌كه‌ ئه‌گه‌ری زۆر مه‌ترسی به‌دوای خۆیدا بهێنێت و تره‌مپ له‌ ڕۆژه‌كانی كۆتایی ده‌سه‌ڵاتی له‌ كۆشكی سپی جه‌نگێكی تر هه‌ڵبگیرسێنێت، هێرش بكاته‌ سه‌ر كۆماری ئیسلامی ئێران، له‌ كاتێكدا له‌ ڕۆژانی ڕابردوو میدیاكانی ئه‌مه‌ریكا له‌ زاری به‌رپرسانی باڵای كۆشكی سپییه‌وه‌، ئاشكرایان كرد: كه‌ تره‌مپ بڕیاری داوه‌ هێرش بكرێته‌ سه‌ر وێستگه‌ ئه‌تۆمییه‌كانی كۆماری ئیسلامی ئێران و له‌ دوا قۆناغی جێبه‌جێكردنی فه‌رمانه‌كه‌ ڕاوێژكاره‌كانی په‌شیمانیان كردووه‌ته‌وه‌ و وازی له‌ ئۆپراسیۆنه‌كه‌ هێناوه‌، به‌ڵام له‌وه‌ ده‌چێ تره‌مپ نیازه‌كانی كۆتایی نه‌هاتبێ و بیه‌وێ ئۆپراسیۆنێك له‌ ڕۆژهه‌ڵاتی ناوه‌ڕاست ئه‌نجام بدات، كه‌ تاكه‌ هێز و نه‌یاری سه‌رسه‌ختی ئه‌مه‌ریكایش له‌ ناوچه‌كه‌ بریتییه‌ له‌ كۆماری ئیسلامی ئێران و هاوپه‌یمانه‌كانی له‌ ناوچه‌كه‌، بۆیه‌ هه‌ر جووڵه‌یه‌كی سه‌ربازی ئه‌مه‌ریكا، چاوه‌ڕوان ده‌كرێ بۆ به‌ ئامانج گرتنی كۆماری ئیسلامی ئێران بێت.

ناردنه‌وه‌ی بی 52 بۆ ناوچه‌كه‌ په‌یامێكی ڕوونه‌ بۆ ئێران و ئه‌گه‌ری وه‌شاندنی گورزیش دوور نییه‌

له‌ ڕۆژانی ڕابردوو جارێكی تر میلیشیاكان هێرشی مووشه‌كیان له‌ عێراق بۆ سه‌ر ناوچه‌ی سه‌وز ده‌ست پێ كرده‌وه‌ و له‌ میدیاكانیش دووپات له‌وه‌ ده‌كه‌نه‌وه‌، كه‌ ماوه‌ی ئاگربه‌ست كۆتایی هات و گرووپه‌كانی سه‌ر به‌ ئێران جارێكی تر به‌رژه‌وه‌ندییه‌كانی ئه‌مه‌ریكا ده‌كه‌نه‌ ئامانج، ئه‌مه‌یش له‌ كاتێكدایه‌ كه‌ پێشتر واشنتن سه‌رۆك وه‌زیران و سه‌ركۆماری عێراقی ئاگه‌دار كرده‌وه‌، له‌وه‌ی ئه‌گه‌ر هێرشی كاتیۆشاكان بۆ سه‌ر باڵوێزخانه‌ و دامه‌زراوه‌كانی ئه‌مه‌ریكا له‌ عێراق به‌رده‌وامی هه‌بێت، ئه‌وا باڵوێزخانه‌ی خۆیان له‌ به‌غدا داده‌خه‌ن و پاشه‌كشه‌ی دیپلۆماسی و سیاسی و سه‌ربازی له‌ به‌غدا ده‌كه‌ن، هه‌موو سه‌رچاوه‌كانیش هێما بۆ ئه‌وه‌ ده‌كه‌ن، كه‌ ئه‌و هه‌ڕه‌شه‌یه‌ی واشنتن هێشتا كۆتایی نه‌هاتووه‌ و ئه‌گه‌ری جێبه‌جێكردنی ماوه‌. 

ئه‌و 59 ڕۆژه‌ی كه‌ ماوه‌ تا تره‌مپ ده‌سه‌ڵات ڕاده‌ستی جۆ بایدنی سه‌رۆكی هه‌ڵبژێردراوی ویلایه‌ته‌ یه‌كگرتووه‌كانی ئه‌مه‌ریكا بكات، به‌ بڕوای زۆربه‌ی شاره‌زایان و ناوه‌نده‌كانی توێژینه‌وه‌ی ئه‌مه‌ریكا، هه‌م بۆ ناوخۆ و هه‌م بۆ سیاسه‌تی ده‌ره‌وه‌ی ئه‌مه‌ریكا ماوه‌یه‌كی ئاسایی نییه‌ و چاوه‌ڕوانی ڕووداوی سه‌یر و جیاواز ده‌كرێ، له‌ ئه‌گه‌ری قبووڵنه‌كردنی تره‌مپ به‌ ڕاده‌ستكردنی ده‌سه‌ڵاتی سه‌رۆكایه‌تی به‌ جۆ بایدن و كامالا هاریس كه‌ سه‌ركه‌وتنێكی گه‌وره‌یان له‌ هه‌ڵبژاردنی سه‌رۆكایه‌تی ئه‌مه‌ریكا به‌ده‌ستهێناوه‌

خوێندنه‌وه‌ي زياتر

گەشتی ژیانی ماندوویی نەناسەکی پەروەردە و زانست،مامۆستا (عەبدولڵا ساڵح ئیبراهیم)

 

گەشتی ژیانی ماندوویی نەناسەکی پەروەردە و زانست،مامۆستا (عەبدولڵا ساڵح ئیبراهیم)، ناسراو بە

مامۆستا (عەبدولڵا ساڵح گۆران)، لەساڵی ۱۹٥٤ لە گوندی (گەلووک)ی سەربە قەزای (بەردەڕەش) ی ناوچەی گۆرانەتی لە دەڤەری (بادینان) دایکبووە.

ساڵی ۱۹٦۰ چووەتە قوتابخانە، سەرەتای خوێندنی لە گوندی (کانیلان) بووە، تا پۆلی پێنجی سەرەتایی لە گوندی (کانیلان) خوێندووە، دوای چووەتە شاری موسل (نینوی) لە قوتابخانەی ئەمین(مدرسە الامین) ی ئێواران پۆلی شەشی سەرەتایی تەواوکردووە. وەکو خۆی گووتی: بەڕۆژ کارم دەکرد و ئێوارانیش دەم خوێند، ڕۆژانە دانێک لە چایخانە بووم بە ڕوبعێک و دانەکەی تریش لە کەبابخانە بووم بە ڕوبعێک، واتاڕۆژانە بە نیو دینار کاری کردووە بۆ ژیان و بژێوی خۆی.

ساڵی ۱۹٦٨ قۆناغی سەرەتایی تەواوکردووە، هەر لە هەمان ساڵ لەشاری (موسل) گەڕاوەتەوە و چووەتە ناحیەی (دینارتە) ی سەربە قەزای (ئاکرێ) ، لە لای مامۆستا مەلا (شێخ نوری شێخ یەحیا) وانەی ئایینی خوێندووە بۆ ماوەی شەش مانگ، پاشان لە ساڵی ۱۹٦۹هاتووەتە ناحیەی (کەڵەک) لە لای مامۆستا مەلا (ئەکرەم سەعدی) وانەی خوێندووە تا ساڵی ۱۹۷۰، واتا بۆ ماوەی دووساڵ لەلای وانەی خوێندووە و تەدریسی کردووە.

وەکو خۆی گووتی مامۆستا مەلا (ئەکرەم) زانایەکی شارەزابووە و زانستێکی زۆری هەبووە، زانستێکی زۆرباشی لە لای مامۆستا ئەکرەم خوێندووە و ، بەو زانایە کاریگەر بووە. (بەم دوایانە مامۆستا مەلا ئەکرەم بەو تەمەنەوە لە شاری (موسل) دەستی چەپەڵ تیرۆریان کرد، خوای گەورە پلەی بەرزکاتەوە).

دوای چووەتە گوندی(کەونەباک)، لەلای مامۆستا مەلا (عەبدولڵا تەلەخێمی)، (٤۰) ڕۆژ وانەی خوێندووە.

پاشان هاتووەتەوە ناحیەی (کەڵەک)، ئەمجارە لەلای مامۆستا مەلا (ئەبوبەکر) وانەی خویندووە.

ساڵی ۱۹۷۱ـ ۱۹۷۲ شۆڕش بڕیاریێکی دا بوو،کە فەقێیەکان تاقیکردنەوە بکەن بە ماددەی موئەقەتە، بۆ ئەم مەبەستە لە شاری (هەولێر) لە مزگەوتی گەورەی قەراتێ تاقیکردنەوەی کردووە و دەرچووە، بۆتە پۆلی پێنجی ئامادەیی لە پەیمانگای ئیسلامی لە هەولێر.

ساڵی ۱۹۷۲ چۆتە شاری بەغدا بۆ سەردانی برایەکی کە لە مەعسکەر ڕەشید سەربازبووە. جلی کوردی لەبەر بووە، ئەو شوێنەی چووە بۆی قەدەغە بووە، دوو ئەمن داوای پێناسیان لێکردووە و پرسیاریان لێکردووە، ئەویش دەڵێ بۆ سەردانی برای هاتووە، لەوێ بردوویانە بۆ ئەمنی عامە و زیندانیان کردووە، لە ژوورێک بووە کوردێکی زۆر لەوێ زیندان بووە، یەکێک لە کوردەکان لە تەنیشت خۆی شوێنی بۆ کردووەتەوە، ماوەی دوو ڕۆژ گیراوە و لێدان و ئەزیەتی زۆریان داوە و دوای چوونە تەئکیدیان کرووەتەوە برای لەوێ عەسکەربووە ،ئینجا بەریانداوە و داوای لێبووردنیان لێکردووە.

لە ساڵی ۱۹۷۳ لە پەیمانگای ئیسلامی لەشاری (هەولێر) پێنجی ئامادەیی تەواوکردووە.

ساڵی ۱۹۷٤ لە پەیمانگای ئیسلامی لە شاری (هەولێر) نیوەی ساڵ بە تێکرای (۹۰) دەرچووە، لە ۱۱ ی مانگی ۳ خەڵک چووینە چیا بۆ بەرگری لە خۆکردن، ئەوانیش ماڵیان چۆتە گوندی (مێرسیدان) لە لای قەزای (شێخان)، دوای ئەوەی کە ڕژێم هێرشی هێناوە بۆ ناوچەکە و نزیک بووەتەوە ، شەو لە ئەشکەوت بوونە مامۆستا گووتی: بەیانی لە خەو هەستام لە ژێر بالیفەکەم دووپشکێکی زۆر گەورەی ڕەش هەبوو، پێوەی دابام دەیکوشتم، خوا ڕوحمی پێمان کرد.

دوای بۆ لای( بلێ و بارزان) ڕۆیشتوون. پاشان هاتوونەتەوە گوندی (مێرسیدان) و ئەمجارە بەماڵەوە چوونەتە ناحیەی (گەلالە)، لە (گەلالە) لەسەر پردەکە دوکان داناوە و بووەتە سەعاتچی، گووتی: کەلە (گەلاله) بووم ، مامۆستا مەلا(محەمەد )باوکی عیماد بە ڕەحەمەت بی، ئەویش لەوێ بوو، ڕۆژێک هاتە لام و پێم گووت: دەچمە مزگەوت و نوێژدەکەم ، لەسەر کورسییەکەم دانیشت و منیش چووم بۆ مزگەوت، دوای تەیارە هات و بۆمبارانیکرد، مەلا (محەمەد) ساچمەی بەرکەوتبوو، برینداربوو، بردبوویانە خەستەخانە، دوای چووم سەردانم کرد ، لەخستەخانە، ساچمە بەر ڕانی لە دواوە کەوتبوو، باشبوو سەلامەت بوو، بەداخەوەچەندکەسێکی تریش لەو بۆمبارانە پارچە پارچە ببوون.

لە ساڵی ۱۹۷٤ لە (بابەکراوە) لە ناوداران بووە لە (چۆمان) تاقیکردنەوەی پۆلی شەش بۆ قوتابییان ئەنجامدراوە، ئەو نەیزانیوە، دوای چۆتە لای مامۆستا مەلا (عومەر مەلاقەرەیی) ئەویش پرسیاری بۆ داناوە و تاقیکردنەوەی کردووە و بە تێکرای نمرەی (٦٤) لە پۆلی شەش دەرچووە.

پاش هەرەسی شۆڕەش ئاوارەی (ئێران) بووە، لە ئێران چووەتە سەربازگەی (بوردجەرد) هەتاوەکو مانگی (٤) ماوەتەوە، دوای هەر لە ئێران چووەتە (سەبزاب).

لە ئێران بە شەهادەی شەش بووەتە مامۆستا و وانەی بە ئاوارە کوردەکان لە ناو خێمە گووتەوە.

لە مانگی (۱۰) ی ساڵی ۱۹۷٥ گەڕاوەتەوە بۆ عێراق گووتی: لە سنوور لە (پەروێزخان) بە لۆری ئێمەیان هێناو بە ناو (خانەقین) داهاتین و دەنکە شەقاتەیان تێدەگرتین! بە داخەوە!. هاتینە (بەغدا) عەرەبەکان پلکە شەفتیان تێدەگرتین! تا ئێمەیان هێنا بۆ شاری (ناسریە) لە خوارووری عێراق لە قەزای (شەترە).

هەشت ماڵ هەشت ماڵ دایانناین، چوار سۆرانی و چوار بادینی.

(سامی) کوڕە گەورەی لە ساڵی ۱۹۷٦ لە (شەترە) لە دایکبووە.

مامۆستا کۆلی نەداوەو بەردەوام بووە، عەریزەی نووسیوە بۆ ئەوەی لە پەیمانگای ئیسلامی لە شاری (بەغدا) وەرگیرێت و بخوێنێت، بەڵام لەبەر ئەوەی کورد بووە و ئاوارە بووە پێیان گوتووە دەبێت بچێتە شاری (بەسرە) مامۆستا گووتی: بلێن هەڕوە (کوێت) یش دەچم. چووەتە شاری (بەسرە)، لە پەیمانگای ئیسلامی بۆ خوێندن، لەبەر ئەوەی عەرەبیەکەی زۆر باش بووە و زانستێکی باشی پێبووە، لە هەموو ئەو جێگەیانە پەکی نەکەوتووە و ڕێزیان لێناوە.

لە شاری (بەسرە) جارێکی تر تاقیکردنەوەیان پێکردووە چونکە دانیاننەناوە بە شەهادەی کوردستان، لە تاقیکردنەوەکە (۹۰) ی هێناوە و پێی کاریگەربوونە کە قوتاببیەک تازە بێت و ئەو نمرە بەرزە بێنێت، لە پۆلی شەش تێکڕای نمرەی(٨٨) بووە.

تەقدیمی کۆلێژی شەریعەی کردووە لە کۆلێژی ئیمام ئەعزەم و پێنجەمین کەس بووە لە ناو وەرگیراوەکان.

لە ساڵی ۱۹۷۷ کە کۆمەڵگەیان بۆ ئاوارە گەڕاوەکان ئەوانەی پێیان دەگوتن(عائیدون) لە دەوروبەری شاری هەولێر و شارەکانی تر وەکو کۆمەڵگەی (خەبات ، کانی قرژاڵ، پیرزین،..) دروستکرد، سەرەتا هاتوونەتەوە (شاوێس) ئینجا دوای هاتووەنەتەوە (خەبات) ئەو کات (٥۰۰) پێنج سەد خانوویان بۆ گەڕاوەکان لێ دروستکرد.

ساڵی ۱۹۷۹ تاساڵی ۱۹٨۰ بۆ ماوەی دووساڵ لە شاری (بەغدا) بۆتە پێشنوێژ و وتارخوێن (امام والخطیب) لە مزگەوتی (الفاروق) لە گەڕەکی (شەعب) بە مانگانەی (۳۰) دنیار کە خاوەنی مزگەوتەکە داویەتێ چونکە

مزگەوتەکە ئەهلی بووە، هەر لە ناو مزگەوتەکەش ماوەتەوە.

پاش دەرچوون لە کۆلێژی شەریعە، مامەلەی دامەزراندنی کردووە، ناوی لە شاری هەولێر هاتووەتەوە، لە ٥ - ۱ - ۱۹۸۱ فەرمانی دامەزراندنی دەرچووە.

بۆ یەکەمجار لە شاری (کۆیە) لە گوندی (هەرمۆتە) وەکو مامۆستای زمانی عەرەبی و ئاین دامەزراوە، لە ۷ - ۱ - ۱۹۸۱ یەکەم موباشەرەی دەست بەکاربوونی کردووە و بە مووچەی مانگانەی( ۱۰٦) دینار.

ماوەی (٦) ساڵ لە (کۆیە) گوندی (هەرمۆتە) مامۆستا بووە.

پاشان هاتووە بۆ شاری (هەولێر) ، لە قوتابخانەی (ئیبن خەلەکان) ماوەی (۳) ساڵ وانەی گووتەوە ، دوایی هەر لە شاری(هەولێر)چووەتە قوتابخانەی ( نیضال) هەتا ساڵی ۱۹۹۱ لە هەولێر بووە.

پاش ڕاپەرینی ساڵی ۱۹۹۱ هاتووەتەوە (خەبات)، چونکە برایەکی لە (ئێران) بووە و لەبەر ئەوە نەیویستووە دەرکەوێت لە بەر پیاوانی ڕژێم. لە(خەبات) لە قوتابخانەی دواناوەندی (خەباتی نوێ) ی کوڕان

وەکو مامۆستای عەرەبی و ئاین دەست بەکاربووە، ئەوکاتی مامۆستا (ئیسماعیل عەوێنەیی)، بەڕێوەبەری قوتابخانەی دواناوەندی (خەباتی نوێ) ی کوڕان بوو، ماڵی لە شاری (هەولێر) بوو، دوای مامۆستا ئیسماعیل، خۆی گواستەوە بۆ (هەولێر)، مامۆستا (عەبدولڵا)، بووەتە بەڕێوەبەری دواناوەندی (خەباتی نوێ) ی کوڕان، ماوەی (۱۰) ساڵ خزمەتی کردووە هەتا ساڵی ۲۰۰۲

پاشان وازی هێناوە لەبەر چەند هۆیەک لە پێناو قوتابخانەکە داوای کردووە و بۆیان جێ بەجێ نەکردووە، ئەویش دەستی لە کار کێشاوەتەوە.

سەردەمی مامۆستا (عەبدولڵا ) قوتابخانەی دواناوەندی خەباتی نوێ بە قۆناغێکی گرنگ و زۆرباش تێپەڕیوەو سەرەڕای ئەو بارودۆخە سەخت و ناهەموارەی ئەو کاتی،سەرەڕای خوێندن و لایەنی پەروەردەیی بۆیەکەمجار لە دواناوەندی (خەباتی نوێ) قوتابییان شانۆگەری یان پێشکەش کردووە و چالاکی یان ئەنجامداوە.

لە ژیانی مامۆستایەتیدا کۆمەڵێکی زۆر قوتابی پێگەیاندووە. بەرهەمی زۆر باشی هەبووە. کە ئەمڕۆ لە بوارە جیاجیان خزمەتدەکەن.

مامۆستا لەو سەردەمیش ماوەیەک، دوای دەوامی قوتابخانە، دوکانی هەبووە، سەعاتچی بووە.

دوایی هەر لەناو (خەبات) چووەتە قوتابخانەی (شۆخان) لە مامۆستایەتی بەردەوام بووە، لەوێش دوای بینینی هەندێک کاری نایاسایی لەگەڵ بەڕێوەبەری قوتابخانەی ئەو کاتی نێوانی تێکچووە.

لەسەر داوای خۆی ساڵی ۲۰۰٦-۲۰۰۷ هاتووەتە قوتابخانەی دواناوەندی (خەباتی ئێواران) کە ئەوکات بەڕێوەبەرەکەی مامۆستای کۆچکردوو (عەبدولسەمەد ئیسماعیل) بوو بە ڕەحمەت بێت.

هەر لە ساڵی ۲۰۰۷ دوکانی فۆتۆکۆپی لەناو (خەبات) داناوە. کاری دابەشنامەی شەرعی(قسام شرعی) کردووە و دادوەرەکانی دادگای (خەبات) خەڵکیان بۆلای ناردووە چونکە شارەزابووە.

ساڵی ۲۰۰۷ مۆلەتی شارەزای دابەشنامەی شەرعی (خەبیری قەسام شەرعی) لە دادگای تێهەڵچوونەوەی ناوچەی هەولێر ، تاقیکردنەوەی کردووەو دەرچووە

مۆلەتەکەی وەرگرتووە.

ساڵی ۲۰۱٥ تا ۲۰۱۷ بۆتە بەڕێوەبەری دواناوەندی (خەباتی ئێواران) ی کوڕان.

تا لە ۳۰ -٦- ۲۰۱۷ خانەنشین بووە. ڕۆژی هەینی بووە.

ساڵی ۲۰۱۷ مۆڵەتی وەرگێڕان (ئیجازەی تەرجومەّ) ی وەرگرتووە ،لە کوردی بۆ عەرەبی وە لە عەرەبی بۆ کوردی.

هەروەها لە ساڵی ۲۰۱۸ مۆڵەتی عەریزە نووسینی وەرگرتووە.

مامۆستا عەبدولڵا، ڕاست و هەقگۆ ،ناڕاستی و هەلەی قەبول نەکردووە. خەمخۆری قوتابییان و پیشەکەی بووە و لەم پێناوە باجی داوە.

مامۆسا، لە پاڵ خوێندنەکەی و مامۆستایی، بۆ بژێوی ژیانی و ماڵ و منداڵەکانی بۆ ئەوەی ژیانێکی سەربەرزان بگوزەرێنێ و پێویستی بەکەس نەبێت.

کاری تری کردووە.

ئاوارەی و ناخۆشی و زەحمەتی زۆری دیوە، بەڵام کۆلی نەداوە و بەردەوام بووە، وازی نەهێناوە تا خوێندنی تەواوکردووە.

ئێستاش وەکو شارەزای دابەشنامەی شەرعی (خەبیری قەسام شەرعی) لە دادگای بەرایی (خەبات ) کاردەکات.

شایانی باسە مامۆستا (عەبدولڵا)، لە ژیانی دا دوو جار ژیانی هاوسەری پێکهێناوە.

جاری یەکەم لە ساڵی ۱۹۷۳.

جاری دووەم ساڵی ۱۹٨۳، خاوەنی (٦) کوڕ و (٥) کچە.

تەمەن درێژبن.

هیوای تەمەن پڕ لە خێری و ساغ و سەلامەتی بۆ دەخوازین و پایەداربێت مامۆستای بەڕێز و ئازیز.

تایپ و نووسینی بابه‌ت :. میعاد عبدالقادر

خوێندنه‌وه‌ي زياتر